أحمد عز: "نجاحي في الفن بسبب دعاء أمي"

القاهرة (مصراوي)

قال الفنان أحمد عز إن "نجاحي في الفن وكرم ربنا من دعاء أمي، وأن بعد وفاة أمي حاسس أني عريان"، متمنيًا ألا يكون مقصرًا معهما في حياتهم أو بعد وفاتهم.

وأضاف عز، في مداخلة هاتفية لبرنامج "إتفقنا" على إذاعة "نجوم إف إم"، مساء الخميس: "كل واحد أمه وأبوه عايشين لازم نبذل الغالي والنفيس ليهم، ومينفعش نعاملهم زي أي حد في الدنيا".

وتابع: "أمي وأبويا خيرهم عليه، ومفيش حد زيهم في الدنيا، وياريت أبقى أب عشان أشوف هتعامل أزاي مع أولادي»، مضيفًا: «مفيش حد زي الأم والأب ومفيش رحمة زيهم ولا حنية، ويارب يحفظ لكل شخص أمه وأبوه".