"استوحيت الكوميديا من خياله".. عمرو عبدالجليل يكشف عن صلة قرابته بـ"محمد نجم"

كتب- محمد أبوالمجد:

كشف الفنان عمرو عبدالجليل، عن تفاصيل قرابته مع الفنان محمد نجم، قائلًا: "محمد نجم يبقى زوج أختي، وأنا متربي في المسرح بتاعه من وقت ما اتعمل وأنا موجود فيه"، مضيفًا: "مش مهم أني كنت أمثل أنا كنت بتفرج على المسرحية كل يوم وبتعلم".

وأوضح "عبدالجليل" في حواره لبرنامج "سهرانين" على فضائية "أون إي" اليوم الأربعاء: "الفرجة على المسرحيات بتعلم برده ومعظم الكوميديا اللي أنا بقدمها مستوحاه من خيال محمد نجم واتعلمت منه كتير جدًا وكل يوم كان لازم يكون فيه جديد، والممثلين اللي معاه على المسرح بيتحولوا لجمهور وكانوا بيضحكوا في وسط التمثيل".

وتابع: "علاقتي بمحمد نجم كانت قوية وكنا قريبين"، موضحًا: "اتعلمت من محمد نجم في خياله ومسرحية عش المجانين أكتر مسرحية بحبها ليه".