إدوارد: "سمَّعت ولادي المزيكا اللي سمعتها من والدي عشان ودنهم تبقى نظيفة"

كتب- معتز عباس:

حلّ الفنان إدوارد وابنته ماريا، ضيفَين على برنامج "صاحبة السعادة"، تقديم الفنانة إسعاد يونس، المذاع عبر قناة "دي إم سي"، اليوم الثلاثاء.

وقال إدوارد إن علاقته مع ابنه وابنته جيدة للغاية مثل الأصدقاء، مضيفًا: "أنا اتجوزت صغير؛ فابني وبنتي باحس إنهم صحابي؛ ماريا بتدرس مزيكا، وابني بيدرس في هندسة كمبيوتر في لندن".

وعن حبه للأغاني الغربية، أضاف الفنان: "من وأنا صُغَيَّر أبويا كان عنده فرقة وهو شباب، وحبّبني في الأغاني الأجنبي عشان كده طلعت بالعب مزيكا غربي، كمان أنا عملت مع أولادي اللي عمله معايا أبويا، حببتهم في الأغاني الأجنبي والمزيكا الحلوة".

وتابع إدوارد: "أنا باخلِّي ودنهم نظيفة وتاخد المزيكا اللي أنا سمعتها من والدي وحاببها.. موهبة بنتي الغنائية بدأت تظهر لما لقيتها ليل نهار بتغني وهيَّ صغيرة".