"شهادة ضمان اسمها شريف عرفة".. أحمد رزق عن نجاح دوره بفيلم "الممر"

كتب- حسن مرسي:

علق الفنان أحمد رزق على تفاصيل الشخصية التي قدمها في فيلم "الممر"، الذي عرض في سباق أفلام عيد الفطر، وحقق نجاحًا كبيرًا وإيرادات ضخمة، ونال إشادة الجمهور والنقاد.

وقال رزق، خلال حلوله مع صناع الفيلم ضيوفًا على برنامج "الحكاية، تقديم الإعلامي عمرو أديب، المذاع عبر قناة "إم بي سي مصر": "معايا شهادة ضمان اسمها المخرج شريف عرفة، ويمكن النوع ده من الأدوار أنا عملته قبل كده برضه مع شريف عرفة سنة 2002 من خلال فيلم (مافيا) الذي كان بداية أفلام الأكشن، وكان الفيلم مشدودًا جدًّا والشخصية اللي كنت باعملها كانت نفس الفكرة؛ الشخص الكوميدي الموجود في الفيلم".

وتابع الفنان: "لكن في فيلم الممر مش مجرد شخص كوميدي، هو شخص أراد التحول من شخص فاشل إلى ناجح ومفيد لمجتمعه، وده أكبر دليل على أنك مش لازم تبقى جندي أو ضابط عشان تقدر تخدم البلد، أيًّا ما تكون وظيفتك تقدر تخدم البلد، وفي نفس الوقت كونه مش عسكري أو ضابط أتاح لنا مرونة شوية في الكوميديا".