أحمد فهمي يروي مواقف كوميدية تجمعه بالسقا
تطبيق مصراوي
لرؤيــــه أصدق للأحــــداث
كتبت – داليا مصطفى:
قال الفنان أحمد فهمي أن مواقف كثيرة كوميدية جمعته بالفنان أحمد السقا.
وروى خلال حلقة امس من برنامج صاحبة السعادة مع الكاتبة والاعلامية اسعاد يونس، بعض المواقف الكوميدية التي حدثت بينهما في تقليد طريف لأحمد السقا "،قائلاً "نبقي قاعدين كدة ومفيش أي سبب للموضوع ويقولي ولا يا فهمي أنت عارف دماغي دي فيها كام غرزة، أقوله كام يوقلي 167 أقوله ازاي أنت لو دماغك كلها تريكو مش هيبقى فيها العدد ده كله".
وقال " كنا بنلعب كورة وانا لعبت في الفرقة المضادة له وكسبنا احنا ، فواحد من الجمهور قالي كسبت السقا انت يافهمي قولتله اوعى تقول كدة ده هيضربنا احنا الاتنين"، مستطرداً " خلصنا وكنت مروح فقالي لا تعالى نقعد عند أحمد بلال في الكافيه وأول مادخلت الكافيه شافني وكنت جايب عربية جديدة كان عنده زيها فقال للسواق بتاعه يروح العربية عشان هو هيروح معايا.. وساعتها عرفت اني هاخد درس في السواقة ".
وتابع "السقا قالي انت مش عارف اني ملك العربية دي قولتله مانا عارف كنت بتفرج عليك قبل ما أمثل حتى المهم ركبنا العربية وكان طاير وعمال ياخد غرز بسرعة رهيبة وانا شايف الرعب في عيون الناس بس مقدرش اتكلم".
فيديو قد يعجبك:
