أول رد من بوسي على كلام طليقها: "كان بيتعشى معايا يوم تسجيل الحلقة"

القاهرة- مصراوي:

أبدت المطربة بوسي أسفها على حديثها بشكل إيجابي عن طليقها هشام ربيع، أثناء استضافتها في حلقة من برنامج العرافة الذي تقدمه المذيعة بسمة وهبة طوال أيام شهر رمضان الكريم.

وأرسلت بوسي رسالة عتاب صوتية إلى بسمة نشرتها الأخيرة عبر حسابها الرسمي على موقع انستجرام، قالت فيها: "شفتي يا بسمة اللي قعدتي تدافعي عنه وقعدتي قوليله بحبك واتكلمت عليه كلام كويس، أنا ندمانة إن قلت الكلمة دي وسمعت كلامك، مكانش ينفع أقول الكلمة دي، شوفي طالع بيقول إيه عليا وبيتكلم في سيرتي وعرضي وشرفي، مع إن من ساعة ما حصلت المشاكل عمر ما جبت سيرته بكلمة وحشة ولا قلت عليه كلمة وحشة، ولا خضت في شرفه ولا في عرضه".

وتابعت "أنا عمري ما أعمل كده عشان دي تربيتي وأخلاقي، ده الفرق بين تربية شارع الهرم والكباريهات وتربية ابن الناس وابن الأصول اللي بيفهم في الأصول الفلاح، اللي عنده بنات واخوات، معملش حساب للكلام ده، مكنتش متخيلة إن الشهرة شغلاه على قفا الست اللي كانت مراته في يوم من الأيام، واللي كانت بتنام جنبه على سرير واحد وبياكلوا مع بعض عيش وملح".

وأعربت بوسي عن صدمتها من تصريحات هشام ضدها عقب عرض الحلقة، مضيفة "أنا مصدومة ومعنديش كلام أقوله، بجد مش عارفة أقول إيه والمشكلة أن يوم التصوير بعد الحلقة جه واتعشى معايا وعلاقتنا كويسة جدا، بس مكنتش متخيلة إن بعد الكلام الكويس وإني بدافع عنه واطلعه مظلوم وبريء يبقى ده جزائي، ويتقال كلام زي ده في شرفي وفي عرضي، مش قادرة أقول غير حسبي الله ونعم الوكيل، مش عامل حساب للشهر الفضيل وإنه بيعمل عمرة وفي الكعبة، وبيتكلم عن مراته اللي كانت شرفه وعرضه وأنا اللي هنا ومبعملش عمرة عمري ما جبت سيرته بشكل وحش، وبقول عليه كل خير وأنا فعلا غلطانة اني قلت أي كلمة حلوة، وبيتكلم عن الرجولة والأخلاق حسبي الله ونعم الوكيل".

وكانت بسمة وهبة استضافت الفنانة بوسي في أولى حلقات برنامج العرافة المعروض طوال أيام شهر رمضان، وتحدثت الأخيرة عن طلاقها من هشام ربيع والمشاكل التي وقعت قبل الانفصال.

View this post on Instagram

A post shared by Basma Wahba (@basma_wahba)