"الحياة اختيارات".. ريهام عبدالغفور عن أدائها لمسلسل "أزمة منتصف العمر" بدلًا من غادة عبد الرازق

كتب- محمد أبوالمجد:

أكدت الفنانة ريهام عبدالغفور، أنها لم تكن تعلم أن الفنانة غادة عبدالرازق هي المرشحة الأولى لمسلسل أزمة منتصف العمر، قائلة: "مكنتش عارفه خالص إن الأستاذة غادة عندها المسلسل غير لما المسلسل اتعرض".

وقالت "ريهام" في حوارها لبرنامج "حبر سري" والذي تقدمه الإعلامية اسما إبراهيم، على فضائية "القاهرة والناس" اليوم الثلاثاء: "قريت على السوشيال ميديا زيي زي الناس، إن المسلسل كان عند أستاذة غادة وكده، ومعرفش خالص المعلومة دي وأكيد هي اعتذرت أو مكنش مناسب لها أو حاجة يعني".

وتابعت: "السيناريو الأول اللي جالي مختلف عن اللي اتعمل وفي حاجات كتير اتغيرت في التحضيرات".

وعن مصطلح البديلة: "لا يزعجني إطلاقًا وميفرقش معايا خالص طالما أنا اللي عملته، ودي أدوار ممكن حد يعتذر عنها، والحياة اختيارات وميفرقش معايا خالص وميعيبنيش بالمرة، ولكن اللي يعيبني إني أكون عملت المسلسل وحش".