الاختيار 3" الحلقة 29.. عزل مرسي ونجاح ثورة 3 يونيو

كتبت- منال الجيوشي:

شهدت الحلقة الـ 29 من مسلسل "الاختيار 3" والتي تعرض على شاشة (ON E) العديد من الأحداث أبرزها:

ترتدي إسراء (دنيا المصري) حزام ناسف، ويراقبها ضباط المخابرات الحربية، ويتم القبض على "أبو عياش" و"أبو منير".

يرصد جهاز المخابرات العامة المصرية، محاولات إرهابية لمجموعة من الأشخاص بدخول الحدود المصرية، ويتم إلقاء القبض على عنصر إرهابي يقوم بزرع عبوات ناسفة.

في أرض الحرس الجمهوري يقترح مستشار محمد مرسي لعقد اجتماع بحضور رئيس الوزراء ووزير الدفاع الفريق عبدالفتاح السيسي، قائلا: محتاجين نقول للناس إن الأمور طبيعية وإنك بتجتمع مع الوزرا بشكل طبيعي

يبلغ اللواء عباس كامل (جمال سليمان) وزير الدفاع الفريق عبدالفتاح السيسي (ياسر جلال) بهذا الاجتماع، ويقول: التقارير الأمنية اللي بتوصل من كل الجهات بتقول إنهم مصرين على استخدام العنف.

السيسي: أنا بدعي ربنا إنه ينور بصيرتهم لأن الأهم عندي هو حقن دماء المصريين

في اجتماع بين الرئيس محمد مرسي (صبري فواز) ورئيس الوزراء ووزير الدفاع الفريق السيسي، يقول: هل مستشارين حضرتك ومساعديك عندكم صورة واضحة عن اللي بيحصل في الشارع وحالة احتقان ومطالب الناس، وكل دقيقة بنتأخر فيها بتعرض البلد لخطر شديد، اقتراحي إن نعمل إعلان استفتاء شعبي على رئيس الجمهورية وبكده بننزع فتيل الازمة

مرسي: أنا رئيس مدني منتخب والشرعية معايا، يستنوا نهاية مدتي، أنا أكتر حاجة ممكن أعملها إني أضمنلهم مقاعد في مجلس الشعب

السيسي: فخامة الرئيس الملايين اللي ماليين الشوارع ماسمهمش معارضة، اسمهم الشعب المصري، أما الاستجابة لمطالبهم أو لا ، الأمور هتخرج عن سيطرتنا كلنا، إحنا قدام لحظة استثنائية في فترة مهمة من تاريخ مصر، لا تتصور إن الأمر هو بس تغيير الحكومة، ربنا يعلم إن طول الشهور اللي فاتت بكل طاقتي وبمنتهى الإخلاص كنتب بنقل كل اللي بيحصل في الشارع، عشان مصلحة مصر ومينفعش أبدا نتعامل مع إرادة شعبها ومطالبه بالشكل ده

يطلب مدير مكتب مرسي منه تصوير فيديو لعرضه للناس.

يقول اللواء عباس للفريق السيسي أن الإخوان أرادوا دخول البلد في دائرة العنف .

يلتقي المقدم مروان (أحمد عز) بالشيخ أحمد (منذر رياحنة) ويقول: الأرض دي ياما شافت لكن مش عارفين ياشيخ أحمد الناس دي بتفكر في إيه، وجودهم على الأرض مابيجيبش غير الدم، إحنا مش هنسيب البلد تضيع مننا ركز معانا في الفترة دي.

في أرض الحرس الجمهوري، يستعيد مرسي كلمات خيرت، والتي قال فيها: لازم الناس تعرف إنك مبتتهددش، وتطمن الناس اللي في رابعة، إنت اللي الناس انتخبتك، التاريخ هيفتكر كويس إنك وقفت كالأسد على كل الضباع اللي حاولت تقضي من المشروع الاسلامي.

يجلس الفريق السيسي مع والدته ويخبرها عن الأوضاع الحالية فتدعو له.

يجتمع الفريق السيسي مع القوى الوطنية، قائلا: أنا بشكركم جدا إنكم موجودين معانا اسمحولي أقولكم إننا هناخد قرار مصيري قرار البلد محتاجاه، بعتذر ليكم جميعا إننا بلغناكم بالاجتماع بشكل مفاجئ، إحنا مجتمعين معاكم بصفتكم ممثلين لكل القوى الوطنية في مصر، إحنا حاولنا نتصل بالدكتور سعد الكتاتني، بصفته رئيس حزب الحرية والعدالة لكنه رفض، إحنا مجتمعين النهاردة لوضع خارطة طريق للمستقبل، اسمحولي نبدأ بالشباب، عايزين نعرف منهم تصورهم للأمر.

محمد عبدالعزيز (عصام السقا): محمد مرسي سقطت شرعيته كرئيس ويجب محاكمته على اللي ارتكبه ضد الشعب والناس

فضيلة الإمام الاكبر شيخ الأزهر (مفيد عاشور): نحن بين أمرين أحلاهما مر، الأشد مرارة هو ذلك الصدام، قانون الشرع الاسلامي يقول إن ارتكاب أقل الضررين واجب شرعي، لحقن دماء المصريين

بينما يقول البابا تواضروس: يوم 18 يونيو اللي فات، روحنا للقاء الرئيس مرسي أنا وشيخ الأزهر، نطمن على البلد، اللقاء دار فيه حوارات كثيرة وموضوعات أخرى، لكن لما سألنا إيه اللي هيحصل، قال هيحصل إيه يعني يوم وهيعدي، وبعد اللي حصل الأيام اللي فاتت، استمرار الوضع مستحيل

السيسي: بس في حالة عزله ممكن يكون فيه عنف كبير ضد الكنايس والأديرة

تواضروس: لو ده حصل نصلي في الشوارع، وطن بلا كنائس أفضل من كنائس بلا وطن

السيسي، كده هيبقى رئيس المحكمة الدستورية العليا رئيس مؤقت للبلاد، وهنعمل تعطيل العمل بالدستور، القرار اللي هنادخده هندفع تمنه أنا وأبنائي من الجيش والشطة، توكلنا على الله

بعدها يتلو وزير الدفاع بيان القوات المسلحة

يتم وضع محمد مرسي تحت الإقامة الجبرية والتأكيد على حسن معاملته كرئيس سابق.

"الاختيار 3" بطولة: أحمد السقا، كريم عبدالعزيز، أحمد عز، ياسر جلال، خالد الصاوي، عبدالعزيز مخيون، صبري فواز، وعدد من ضيوف الشرف، ومن تأليف هاني سرحان، وإخراج بيتر ميمي.