بهاء الدين محمد عن أزمة شيرين عبدالوهاب: "اسكتي وغني بس"

كتبت-بهيرة فودة:

شارك الشاعر بهاء الدين محمد جمهوره بتعليقه عن أزمة شيرين عبدالوهاب، عبر حسابه الشخصي بموقع "فيسبوك".

وكنب بهاء في تعليقه: " أنا عارف طريقة وتفكير شيرين وواثق إنها ما كنتش تقصد بالسجن ((( سياسة خالص )) .

وتابع "أكبر دليل على إنها لا تملك خبرة التوصيل أو التوضيح إنها مش عارفه لحد النهارده تقول اللي باقوله ده !!! وأقسم بالله إننا لا أتكلمنا ولا شوفنا بعض من سنين ".

وأضاف الشاعر بهاء الدين محمد "يا شيرين اسكتي وغنى بس . ده أنا اللي الحمد لله أملك أدوات الكلام بكل تمكن مانع نفسى بل رافض تماما أي حوار في أي جهة إعلامية رفض تام لأن دوري أكتب فقط وكلامي هو أنا وغلط الفنان يتكلم أصلا غير بحساب ".

وتابع" معلش بنت بلدنا وصوت من الأصوات الحلوة اللي بتملكها مصر وما عندناش كتير بلاش نهدها . وكلنا لينا ناس قريبين مننا لما بيجوا يتكلموا بيبوظوا الدنيا وإحنا قلوب طيبة وجوانا رحمة ".

وأختتم تعليقه "ملحوظة هامة : كلامي مش دفاع ولكن توضيح وماليش أي مصلحة معاها كمطربة لأنى خدت مصلحتي ونجحت مع الكل الحمد لله ومعروف عنى لا بتقرب لحد ولابجامل حد ولكن العكس هو الصحيح . وشكرا

يذكر أن الفنانة شيرين تلقت مساء أمس الاثنين، إخطارا رسميا من نقابة المهن الموسيقية برئاسة الفنان هاني شاكر لسماع أقوالها بشأن التهمة الموجهة إليها بالتطاول علي مصر أثناء إقامتها حفلا غنائيا بالبحرين.