إعلان

هيدي كرم تدعم حملة "مترو جديد في مصر الجديدة"

01:09 م الخميس 28 يونيو 2018

هيدي كرم

إبحث عن لوجو مصراوي داخل الموقع يومياً خلال شهر رمضان للفوز بجائزة

تسجيل الدخول

كتبت- سما جابر:

علقت الفنانة هيدي كرم على إزالة ترام مصر الجديدة، حيث نشرت صورة للترام عبر حسابها على انستجرام، ودعمت حملة بعنوان "مترو جديد في مصر الجديدة" والتي دشنها عدد من سكان مصر الجديدة.

وعلقت هيدي على الصورة قائلة: "المترو في مصر الجديدة مش بس جزء من تراث المكان.. مش هانتكلم عن ده علشان ده كلام الناس المرفهين.. لكن لو هانتكلم عن الرحمة اللي هايرحمنا منها المترو.. هانقول كتير.. زحمة الميكروباصات المكدسة دلوقتي في كل مناطق مصر الجديدة واللي بقت عاملة أزمة مرور لكل الناس.. زحمة الأوتوبيسات العامة اللي بقت موجودة بشكل كبير".

وأضافت: "ومع مشكلة البنزين وزيادة أسعار المحروقات كل المواصلات دي غليت جدًا.. المترو وسيلة مواصلات سهلة ورخيصة وسريعة لكل الناس.. وسكان مصر الجديدة بمختلف مستوياتهم كانوا في وقت من الأوقات بيركبوا المترو ده.. وعلى فكرة مترو الأنفاق مش تعويض عن المترو العادي.. المترو العادي له محطات كتير جدًا جوة مصر الجديدة ومعمول علشان يخدم المنطقة نفسها غير مترو الأنفاق".

وتابعت: "كتير من البلاد المتقدمة عندها مترو أنفاق لكن عندها كمان مترو عادي لأنها عارفة كويس أوي أهميته.. ده غير بقى إن مترو مصر الجديدة جزء مهم أوي من تراث المكان لأن عمره من عمر إنشاء البارون لمصر الجديدة.. وبأكد على كلمة تراث لأننا بلد سياحي.. لو عايزين تدعموا حملة مترو جديد في مصرالجديدة ابعتوا فيديو لمدة عشر ثوان تتكلموا فيه عن مترو مصر الجديدة، ذكرياتكم، أهميته، أو اَي حاجة عايزين تقولوها عن الموضوع ده".

فيديو قد يعجبك: