رنا سماحة تشيد بمسلسل "حالة خاصة": "فن بجد"

كتبت- بهيرة فودة:
أشادت المطربة رنا سماحة، بأبطال وصناع مسلسل "حالة خاصة"، بطولة الفنانة غادة عادل والذي عرض الفترة الماضية عبر منصة واتش إت الرقمية.
ونشرت رنا سماحة عبر حسابها الرسمي بموقع "فيسبوك"، البوستر الدعائي لمسلسل "حالة خاصة"، وعلقت:"كل فتره كده بيتعمل مشروع بشباب جديد يكسر الدنيا ف يدينا أمل إن مش دايماً لازم وسايط ولا شلة معينة لا لسه في ناس بتعمل فن بجد بدون أي حسابات لسه في ناس بتعمل أعمال تحترم عقليه المشاهد وترتقي بالفن وليها هدف ورساله".
وأضافت:" حالة خاصة واحد من أهم الأعمال اللي شفتها الفترة الأخيرة أبطاله شباب مع نجمة كبيرة غادة عادل خلقوا في ١٠ حلقات حالة ممتعة، طه دسوقي قد ايه موهوب وفنان اوي وفي فترة قريبة هيبقى من أهم كوميديانات الجيل اختيار الاستاذ هاني شنودة لمزيكا المسلسل من اكتر الحاجات اللي بسطتني أوي وحسستني إني فعلا بتفرج على عمل مختلف ومميز".

وتابعت: "نيجي هنا لعنصر مهم جداً وهو الاستاذ طارق الجنايني قد ايه بحترمه ولما بشوف اسمه على اي عمل ببقى متأكده إني هتبسط منتج بيعمل فن بجد قلبه جامد مبيفرقش معاه انه يشتغل مع نجم كبير او صغير".

واستكملت رنا سماحة:"مهاب طارق كاتب الحدوته حلو اوي مبسطة ومليانه افكار وتريكات ونقلات عبد العزيز النجار مخرج شاب موهوب ومختلف وترجم الورق بمنتهى الروعه حتى التتر مستخسرش انه يورينا تتر مختلف".

وعن دور الفنانة وئام مجدي قالت رنا سماحة:"وئام مجدي بقى صاحبتي وحبيبتي الشطوره مبسوطه بيكي اوي شكراً يا جماعه المسلسل فعلا حالة خاصة".

مسلسل "حالة خاصة" بطولة الفنانة غادة عادل، طه دسوقي، هاجر السراج، حسن أبو الروس، نبيل علي ماهر، إخراج عبد العزيز النجار.