"التقاليد على راسنا من فوق".. ريهام سعيد مدافعةً عن رانيا يوسف - فيديو

كتب- معتز عباس:

أعربت الإعلامية ريهام سعيد عن استيائها من الانتقادات الموجهة إلى الفنانة رانيا يوسف، بسبب الفستان الذي ظهرت به في ختام مهرجان القاهرة السينمائي في دورته الـ40، معقبةً: "أنا حزينة من اللي حصل ده بشدة، أنا قُلت فيه 100 طفل بيموتوا والدنيا ما اتقلبتش ولا حد اتكلِّم ولا شيَّر كلامي، ولا فيه اهتمام إن فيه روح هتموت ولَّا لأ!".

وتساءلت سعيد، خلال تقديمها برنامج "صبايا" المذاع عبر فضائية "الحياة"، اليوم الإثنين: "إشمعنا رانيا؟!.. فيه واحدة كده كانت في المهرجان ومش عارفين هيّ رقاصة ولَّا ممثلة، كل حياتها بتطلع صور وهيّ مش لابسة هدوم على النت، تدِّينا ضهرها ووشها، ليه ماحدش قال إنها غلطانة؟!"، مضيفة: "أنا مش هقول حرية شخصية ولَّا لأ، فكرة حد يتقدم للمحاكمة عشان لبس فستان غريبة جدًّا!".

وأضافت الإعلامية: "مابقولش إن رانيا يوسف غلطانة أو مش غلطانة، لأني مش قاضي عليها، وأنا مالي بها.. ولكن أتحدث عن نشر الفجور.. يا ريت نكون مجتمع بيتهز علشان حاجة تستاهل.. واللي يقلع يقلع واللي يلبس يلبس، والتقاليد على راسنا من فوق، ولو حد كسرها نعاقبه ونزعل منه والجمهور يقلب عليه".