مصطفى خاطر: "اتثبِّت كتير في الشارع.. وحرامي أكِّلني رز باللبن" - فيديو

كتب- معتز عباس:

روى الفنان الشاب مصطفى خاطر تفاصيل تعرضه لمحاولة سرقة في الشارع، قائلًا: "أنا اتثبِّت في الشارع كتير، بس كان فيه مرة اتثبت وكنت كبير ومخلص مسرح ورايح أشوف شقة اتفرّج عليها قبل ما اتعِرف".

وأضاف خاطر، خلال لقائه مع برنامج "قهوة أشرف"، تقديم الفنان أشرف عبد الباقي، المذاع عبر قناة "الحياة"، اليوم الثلاثاء، قائلًا: "وأنا ماشي في الشارع طلع عليَّا حرامي وقال لي: طلَّع اللي معاك، وفتح المطواة، وكان معايا واحد صاحبي قعد يضحك، وأنا ضحكت كمان، أصل ماكانش معانا حاجة خالص غير شنطة فيها لبس".

وتابع الفنان: "الحرامي استغرب مننا، وفي الآخر قلَّعنا الكوتشي اللي في رجلنا، وصاحبي ضحك أكتر، وقولنا له إحنا طلبة ومش معانا حاجة، في الآخر صعبنا على الحرامي واداني رز باللبن، وصاحبي خد علبة سجائر".